所有野真係黎得快，走得快！

前日，siu sir打黎問我搵到野做未，跟住就再將我個名send去美心！

尋日，美心就打黎叫我下星期一去填表，咁我就去搞好晒所有野，諗住等星期一去啦！

今日，都未訓醒，九點幾，美心就打黎叫我今日去填表！哦，好啦，咁就今日去。

填完表，過左一個鐘到就打黎，叫我星期日返工！(快過打針，其他人等左成個月都未有電話，我一陣就有，咁筍)。

可惜，份工要日日返7點大埔工業村，我查一查地鐵最早果班車都要6點先有車，我無可能可以準時返工咁滯！除左會遲到，再加埋日日都要返咁早，都唔知為乜要咁辛苦。所以最後我係推左份工，無做到！

我覺得等其他post或者搵其他工，會好d！因為諗起都辛苦，仲要咁遠，真係制唔過。

你係我，你又會唔會做呢？！日日都要返7點，大埔工業村！

"我都想做好呢份工！"

可惜無機會啦！老細話我唔夠主動，唔適合呢份工！

但我呢兩日，剩係守廁所門口，叫人去完之後要洗手。

根無就無叫我做過其他野 =.=

咁得閒無人去廁所果陣，梗係坐低抖下啦！但我唔攰果陣都有問下其他同事，點樣收辦，幾時收。老細又點會知呀，十年都唔落黎工場！

係樓上lab房，我乜都未識，話說我係第二日返工！咁我點幫手，雖則我見佢地忙到甩碌，但無理由仲要佢教我ga。

BTW，講真，我都覺得呢份野幾悶ge，唔係為左工作時數先可以畢業，我真係唔去做ge。又返得早，人工又低 (對比起BV，少左$10/hrs)。所以我諗我以後，無必要都唔會去工場到做！哈，我真係唔適合呢份工！

聽日再出動去搵工，各位又可以約我去玩啦！

同埋想做呢個位既，都可以去in下！因為我已經讓左個位出黎，我參加左"自願離職計畫"！

幾時先可以成團，去到旅行呀！

去邊度我都殺呀，唔包括hea團！

總知我要去玩，食，訓呀！

銀兩唔係問題，去得成先係重要！

AS五人足球賽終於完啦！

始終都係對冠軍無緣，第二就係第二，無野好講，真係好灰暗！

唉，無計既，先失一球，再錯判龍門球直入都計，無野好講！

咁就俾人KO左啦！

不過輸左場波，都係正常既，我地又無夾過，由第一日識到今晚，都係前後六日！

係應該要滿足ge，可惜仲未做到

不過都多謝，元貝叫我去踢ge！仲有我既隊友，黃城(最好波)，keeper dick，大軒，細軒，大海，matthew！

下年再玩過！

今日四強啦！果然我地係神奇球隊！

雖然都係啱啱識，啱啱夾隊波，今日都可以3-1贏波！

失波都係龍門一時大意甩手！

我地係無俾人地直接射入，後防實在太好！

下個禮拜二，就踢冠軍！有機會贏呀！